Aan my sielsgenoot

Hoe beskryf mens ‘n persoon wat vir jou meer beteken as die lewe self? ‘n Persoon wat sy seun se lewe in ruil vir joune gee? ‘n Persoon wat ‘n heelal vorm deur net ‘n gedagte vry te laat? Hoe het hierdie persoon my so innig lief?

Vanaand word ek weer oorval deur Genade. Genade onbeskryflik groot. Genade wat oor my vloei soos ‘n lentebries met die volle mag van ewigheid in sy gevolg….

Dankie dankie dankie Jesus vir hierdie ongekende seën en onverdiende guns. Vir my beste vriend wat my hart se spieëlbeeld is en my legkaart se lyne na ‘n punt op ‘n padkaart draai. Dankie dat U ‘n stukkie van uself vir my leen in hom.

Here Jesus, U is my toevlug, my bron van hoop en my eerste, grootste liefde.

U wat is, U wat was en U wat vir altyd sal wees. Ek sien uit na die dag wat ek my hande op U wange kan sit en ‘n piksoen op U voorkop kan sit. Tot dan sien ek U in die roosknope in my tuin, in my orgidieë wat aanhou blare stoot al het  El Nino gate in hul blare gebrand, in my swart hondekind en in my man se hart.

Naam bo elke naam en beminde van my hart… Ek is onherroeplik onlosmaakbaar deel van U. Dankie dat ek ‘n ewigheid in U teenwoordigheid mag vertoef.

Jesusliefde

Ekkedb54f6aec86fdd0624af13bbc4468848

From my mother’s womb
You have chosen me
Love has called my name
I’ve been born again
Into your family
Your blood flows through my veins

Bethel music- No longer a slave

Wynand

image

Voel of ek n punt van Jesus se kleed kon vasvat. Ek het n man gekry wat se kompas na ware noord wys. Ek weet jy is nie perfek nie, maar jy laat my dink aan daardie mans wat nog ridders was en n draak vir n meisie sal laat sneuwel… n Sackett man

Vandag oor twee weke is ek en jy amptelik getroud. Die toekoms maak my so opgewonde dat my binneste voel of dit kan ontplof.

Jy is soveel meer as waarvoor ek ooit kon kon vra of van kon droom. Vir die eerste keer verstaan ek hoe Eva moes gevoel het toe sy die eerste keer vir Adam gesien het. Dit moes n gevoel van tuiskoms gewees het. Asof jy n stuk van jouself in iemand anders herken.

Jy laat my veilig voel, jy laat my belangrik voel, maar heel belangrikste, jy laat my werklik bemin voel.

Oor 80 jaar van nou af sal ek steeds vir jou lê en kyk terwyl jy slaap en die bewondering van God se genade sal steeds soos n somersbriesie oor my vloei.

In Sion se voetheuwels…

image

Dis hier op die bergtop waar ek sit en rus vir ‘n oomblik in die wedloop. Soos ek uitkyk op die vallei van die pad wat ek mee gekom het tref die werklikheid van die sonsopkoms my soos n vuishou tussen die oë.

Here Jesus is dit hoekom U soveel keer vir my nee gesê het en hoekom ek soveel keer wou weet en dan is dit stil? Die wete dat U planne te groot was vir ‘n kinderlike hart om te kon verstaan.

Soos ek na die kleure van die sonsopkoms staar oorweldig die gevoel in my hart. Soos ‘n brullende golf oorweldig die immensity van U ongelooflike genade my.

Wie is die mens dat U vir een persoon soveel moeite en seën beplan?

Nou dat ek hier bo staan en vir die eerste keer kan terugkyk na die vallei daar onder en die kronkel draaie van die pad waarmee ek hier uitgekom het. Dis hier waar ek besef dat my visie te klein was en dat U planne op ‘n groter skaal was as my drome.

Tande, toetse en tiere

Leeutemmer

Om met kinders te werk moet jy vreesloos wees…

Jy staan in die middel van die hok. Buite die tralies blêr die vrolike karnavalmusiek hipnotiserend hard. Die toeskouers hou jou skepties, tog gefasineerd dop.

Hier waar jy in die middel van die aksie, met die kollig op jou staan, pêrel die sweetdruppels op jou voorkop.

Voor jou sit die roofdiere, elk op hul skarlakenrooi pedestal. Die geel oë volg jou elke beweging en hou jou berekend dop. Een nalatige oomblik en jy sal moet hoop dat jou swepie die mas kan op kom.

Hulle kan vrees ruik, swakhede uitbyt en emosies bespeel soos Carlos Santana sy kitaaar.

Tog sal jy dag na dag terugkeer na die arena en weer die wilde diere aandurf. Daar is prag in hulle bestaan en elk bied sy eie beloning.

God het belis ‘n sin vir humor. Dit sien jy baie vinnig wanneer jy besef dat jy geroep is om ‘n leeutemmer te wees. Of soos ons hom sommer in volksmond roep, ‘n juffrou.

I don’t wanna be another wave in the ocean
I am a rock not just another grain of sand
I wanna be the one you run to when you need a shoulder
I ain’t a soldier but I’m here to take a stand

Because we can- Bon Jovi

Jesus liefde

Ekke

Vroeg herfs

Tussen twee paaie, op ‘n vroeë herfsoggend, sit ‘n juffie in haar donker klas die wêreld en bepeins. Die grootste kwessie op vandag se agenda: Wanneer het ouderdom die maatstaf vir groei geword?

Op 23 moet jy klaar studeer wees, met die wêreld se kennis en selfvertroue met eerste probeerslag jou droompos klink.

Op 24 moet jou “exterior” vlekkeloos en eksie-perfeksie na die wêreld gedraai wees, geen teken van sukkel. Waaroor het jy tog ‘n bekommernis in so jong bestaansjaar?

25? Hah… maak vas jou sitplekgordel en sit op jou mus. Om krake toe te messel word makliker met tyd. Blink kant na bo gedraai en die maalklok van grootword netjies toe onder ‘n skyn van geluk…

26, my ou vriend, hou jy genade vir ‘n siel in of net nog pleisterwerk?

Daar is één heerlikheid: U sien;
daar is één rus: om U te soek;
Om nie te weet- dit is U seën;
Om te vind- dit is U vloek.
In waarsin het ek gevra- N.P van Wyk Louw

image